يامه جيت ابسأل ليه أنا حظي مجافيني ... !

يــــــــــاااايمه ..

يايمه جيت ابسأل ليه انا حظي مجافينـي ..
اشوف الناس ملتمه وانا ما بين حسراتي ..

اشوف افراح من حولي اسلـم ماتحيينـي ..
اناديها وانا خجـلان الـزم فـي تحياتـي ..

احاكيها يافرحه وين ؟؟؟ حلفتي انك تزوريني ..
اشد بحكي ثم ارخي اداعبهـا بهمساتـي ..

ولا به فايـدهــ يمـهــ برغبتهـا تمشينـي ..
تواعد ثم تخلفني او انها تنسى اوقاتـي ؟..

انا اذكر دعوتكــ للهـ ... طلبكــ انه يخلينـي ..
طلبكــ انه بيرزقني و يوفقني في بداياتـي ..

تعلمت الدعاء منكــ وصارت عـادةٍ فينـي ..
اذا نامت عيون الخلق اوجه لربي دعواتي ..

رجيت بصوت كلهــ خوف متأمل بيعطينـي ..
لاجل ما افرّحكــ يمهــ رجيت وزدت رجواتي ..

هقيت ان دنيتي تصدق بدعواتي وتوفيني ..
صبرت بحروة امالي وحروة كل هقواتـي ..

وجت للخلق ذا كله ولكـن ازرت تجينـي ..
وقلت اكيد هي خيرهــ حمدت اللهــ لحالاتـي ..

كتمت الآهــ لا تطلـع ولا ودي تشوفينـي ..
ما ودي يتعبكــ نوحي ولا تشقيكــ شهقاتي..

تجرعت الالم يمهــ شربتهــ بـأول سنينـي ..
وجيتكــ ما بغيت انكــ تحسي مـر لوعاتـي ..

اضّحكــ هم دمعاتي واطمن خوف يحوينـي ..
واجر بصوتي العالي لاجل عينيكــ ضحكاتي ..

واذا صديت عن وجهكــ اسلم امري لعيني ..
تجيني مثل جلادٍ يروق ان شاف دمعاتـي ..

اجملها بذكـر اللهــ واقـول اللهــ بيجزينـي ..
اهدّي نفسي اطلبهـا تجملهـا ببسماتـي..

ولكن لو نجي للجد ترى كذبـي مأذينـي ..
ما عاد استحمل العيشهــ بتزيفي لفرحاتـي ..

انا هلكان يا يمـهــ انـا تعبـان ضمينـي ..
انا كل ليلهــ اتوفى وارد احيـا لصرعاتـي ..

ذبحني البـرد يايمـهــ بغيتـكــ لوتدفينـي ..
طلبتكــ انزعي بردٍ سكن واستوطن بذاتـي ..

ضلوعي تزاحمت يمهــ بصدرٍ مـا يكفينـي ..
من الضيقهــ من همومي من الامي واهاتي ..

يلاعب فكري جنون و تلاعبني شياطينـي ..
توريني ضعف حالي ... تذّكرني بمعاناتي ..

تشككني بحبكــ لي واقـول انـك تحبينـي ..
تعاند حبكــ بقلبـي تكـذب لـي حكاياتـي ..

ترى ما هزني خوفي وحبكــ لي بيحمينـي ..
ترى ما عمري اشككــ والومكــ في نهاياتي ..

انا بس باسألك يمهــ حقيقهــ ليهـ ولدتيني ؟؟؟
بنفس اللحظهــ يا يمهــ ولدتي ليهــ وناتـي ؟؟؟

ارد ادعي انا ربي مـن العلـهــ يشافينـي ..
وكل خوفي على قلبكــ اذا مـروكــ برفاتـي ..

انا خايف من احـلامٍ نهايتهـا بتشقينـي ..
ومن قسوة مشاويري ومن اخر مسافاتـي ..

وخايف واللهــ من قبري ومن تربهــ تغطيني ..
وسيره تنقطع بعدي ما يبقى غير كلماتـي ..

ابيكــ ترضي بالقسمهــ ورضوانكــ بيرضيني ..
تراني لاجلكــ اتمنى يحقق ربـي رغباتـي ..

يا يمهــ لا اشوف الهم بوجهـكــ لاتبّكينـي ..
ترى مكتوبهــ قبل اولد متى ولوين خطواتي ..

واذا ما جت على كيفي ابيكــ منها تعفيني ..