خذاااك الطييير...

أنا و اللي خلق روحك تعبت مْن الجروح كثير
........................ و صدماتي من غرورك ترى تبطي تدوّنها !
تعبت آبرّر الواقع و لا يخدمني التبرير
........................تعبت اسعف بقايا روح فيني و أنت تطعنها
أزوّر بسمتي لكن عجزت ازوّر التعبير
........................إذا دمعي هو لساني حروفي كيف أدوّنها ..!!
ك إنّ الدمع بعيوني يمارس ثورة التهجير
........................أمَمْ راحت و لو تدري على صدري مساكنها !
و لو تدري قبل هذا عن اللي بـ الخفوق يصير
........................و أنا ادعي خالق إحساسي على قلبي يهوّنها
نزف نبضي و لو إنه نزف دمي أكون بخير
........................تراها جروح بالداخل خفوقك ما درى عنها
أنا بآطير بـ افراحي و افاجأ بالفرح ذا يطير
........................طفولة حبنا ما كمّلت عامين تدفنها !!
إذا تقدر على فراقي أمانة ليه هـ التأخير
........................إذا فراقك جهنم لي تفضل أنت خازنها !
فمان الله يا قلبي و ربي هدّني التفكير
........................فمان الله ما ودي أشوفك إيه باعلنها !
أنا بعدك أصير احسن أصير انسان ثاني غير
........................بـ اخليك وْثقة نفسك إذا جا الليل احضنها !
إذا حبك طلع غلطة | بنفّذ مبدأ التكفير
........................و هذي الروح يالغالي جنازة وانت أبّنها
نعم بيّنت لي حبك و جرحك كان منْه كبير
........................و أيام مضت قربك أنا متبري منها
و مهما تعتلي نجمة من الدنيا تبان صغير
........................و وحدك لحّن الوحدة و وحدك إنت دندنها
و ما لي فيك من خيرة و إلا ما خذاك الطير
........................أو انّك تتبع طيور دنيئة صوب موطنها ؟!
و عذرك : من يبي يُعرف يخالف له نظام السير
........................كفو و الله ترى بعض البشر نجهل معادنها !
قبل ترحل و لأجل اللي جعل سود الليالي تنير
........................بـ قلبي كلمتين أبغى بعقلك حيل توزنها
تذكّر يوم اصفّر لك و تتمايل معَ التصفير
........................ترى بعض الكلاب احيان : تصفيرك يمرّنها !!

آلشآعرهـ : وَشـــمْ