جاني يقول أبي اعتذر لك وأراضيك

جاني يقول أبي اعتذر لك وأراضيك
جاني يهل الدمع يطلب رضايــــــا
يقول أنا غلطان يومي اجافيــــــك
بعدك ترا موتي وقربك دوايـــــــا
واليوم جيتك نادم بين أياديـــك
أحكم علي ولا تقرر شقايــــــــــا
قلت الحكم صادر من العام ناسيك
وحبك بعد صدك رميته ورايـــــــا
نسيت غدرك وما فعلته بماضيـــك
نسيت حتى يوم ترفض غلايـــــــا
صدق طعنت العام من كان مغليك
واليوم تطلبني أجدد هوايــــــــــا
تراك ميت في زماني وأعزيـــــــك
موتك تراه أصبح لصدك عزايـــــا
وش لون ياميت بعد موتك أحييــك
وش لون يرجع من توفا معايـــــا
أقولها من قلبي اليوم مابيـــــــــك
هذا قرار القلب ابعد كفايــــــــــا
لاتعتذر ما عادلي رغبتن فيـــــــــك
ولاتذرف دموعك تراها نهايــــــــا