ليت الليالي يجمعنا على الكيف...!!!

البارحة ليلي قضيته عواصيف.........شـين بقــلـبـي واهـجـاً كـان خافـي

أسهر توالي الليل مابغا سواليف.......وأرقــد عـلى كـفـي بـدون اللـحافـي

مرت ثلاث سنين كلها شواحيف.......مـرت وأنا يا بـنـت في الـبعـد هـافـي

ليت الليالي يجمعنا على الكيف.......فـي لـيـلـة ضـو الـقـمـر فـيـه طافـي

راح الزمان اللي جمعنا مواليف.......وجـانـا زمـانـاً بـه كـثـيـر أخـتـلافـي

هـذا قـدرنا ياجـميل التواصـيـف..........نصبر عـلى مـر الليالي العجافـي

من بعدكم عفت العذرى الملاقيف.......وسـهـر اللـيـالي مـقبلات(ن) مقافـي

شفت القهر يابنت في كل ماشيف .......شـفـتـه وأنا أشـربه مر(ن) وصافي

إن زان سوق الزين جاني تكاليف.......وأن طاح سوقه جاني الزين حافي

ومن باعني بعته بدون التحاسيف.......من باعـني بـعـتـه وأنا أجـزيـه وافـي
D-LOVE..أخوكم

لاوصيكم بالردوود

سلمت يمناك D-LOVE
لا عدمنا تووواجدك